AULA BAROUTA: Paz

sábado, 18 de febreiro de 2017

MÓVOME POLA PAZ

O DÍA 8 DE FEBREIRO FIXEMOS, POR FIN, A CARREIRA SOLIDARIA

Despois dunha semana agardando, chegou un día solleiro para poder celebrar a carreira. Todo a punto: a meta, o percorrido, o podium... Ás doce comezaron os de infantil e logo, por quendas, fomos saíndo todas as categorías ata chegar aos maiores. O noso percorrido saía do colexio pola pista do monte cara a Seares, logo baixamos cara a San Amaro e, finalmente, pola estrada ata o colexio. Foi potente, a verdade. Custou un pouco pero fixémolo.

Logo tiñamos premio: mochila con auga, batido, froita, un libro dos Bolechas... e a satisfación de telo feito.

O resto do tempo, descansamos no patio, xogamos, sacamos fotos...

Da nosa clase, Subiu ao podium Rubén. Parabéns!

Seguro que para o ano xa nos sae mellor.

Preparados para a carreira.

Ao remate, menudo mogollón!

Aula Barouta

luns, 30 de xaneiro de 2017

30 DE XANEIRO, DÍA DA PAZ

"MÓVOME POLA PAZ"... QUE SIGNIFICA?

"Móvome pola Paz", é o lema do noso colexio para nomear a "I Carreira Solidaria" na que vai participar a Comunidade Educativa. Asociada a esta carreira, está unha campaña de recollida de alimentos para colaborar co Banco de alimentos de Ames.

Con todo isto, queremos destacar valores coma:

a solidariedade
o compañeirismo e a deportividade
o compartir co que ten máis necesidades ca nós
a xenerosidade
a axuda e a colaboración

A semana pasada, estivemos facendo as medallas e as camisetas para o evento. A verdade é que quedaron ben fermosas. Aí vai unha proba.

O propio día, cantando "O mundo é grande"

E para rematar o día, aí vos deixo unha curtametraxe. Espero que vos guste!

Aula Barouta

domingo, 31 de xaneiro de 2016

DIA DA PAZ

O VENRES 29 DE XANEIRO CELEBRAMOS O DÍA DA PAZ NO COLEXIO

O venres foi un día ben atarefado para nós. Por unha banda abrimos o noso bar, e unha vez máis tivemos moito éxito de vendas. Pero é que tamén celebrabamos o Día da Paz. Este ano construímos entre todos o libro das apertas. Foi unha historia ben bonita.
A nosa reflexión neste día, vai impregnada do malestar que nos produce saber de tantas mulleres e nenas vítimas da violencia de xénero así coma das persoas que viven na rúa por non teren cubertas as necesidades básicas. Cara a elas vai a nosa aperta de grupo, solidaria e de corazón.

O venres pasado, 22 de xaneiro, no bar.

Que vos parece? A que non mentía cando dicía que fora unha xornada ben completa?

E para a semana...

O ENTROIDO

NON ESQUEZADES TRAER O LUNS ALGO ESPECIAL NA CABEZA PARA INICIAR A SEMANA.

Aula Barouta

mércores, 4 de febreiro de 2015

DÍA DA PAZ

O venres, día 30 de xaneiro, celebramos no noso cole o Día da Paz. Cada ano aprendemos algunha canción nova. Este ano gustounos moito unha de Ana Torroja, "Sonrisa". Pero tamén gozamos con Toc Toc, de Pablo Díaz; a Rumba das apertas, de Magín Blanco; o Mundo é grande, de Belén Junquera. Pero sempre rematamos coa canción "No dudaría", de Antonio Flores.
Este ano, descubrimos moitas cousas desta efemérede. Resultou interesante. Logo, o propio día, estampamos as nosas mans nun friso que percorría todo o cole. Que bonito!