APRENDENDO DO NOSO MAR

UNHA EXPOSICIÓN ITINERANTE SOBRE AS ÁREAS MARIÑAS PROTEXIDAS

Consta de 23 paneis a toda cor e un audiovisual. Todo está colocado no primeiro andar do colexio, entre a Biblioteca e o corredor central. Estará aberta do 17 ao 28 de abril.
Esta exposición é un empréstito do CEIDA (Centro de Extensión Universitaria e Divulgación Ambiental de Galicia)

                 Que é unha Area Mariña Protexida?

                                                          Que beneficios aporta?

                                                                                     Reservas mariñas mundiais ...

                                     Todas estas cuestións e outras poderás responder se visitas a exposición.

Durante séculos os seres humanos vimos servíndonos sen miramentos dos recursos que o mar nos ofrece, tanto extraendo alimentos e materiais como aproveitándonos do seu "ilimitado" poder de asimilación de residuos (vertidos, mareas negras, productos químicos, etc.). Ao principio a degradación das augas foi lenta e silenciosa. Hoxe alcanzou unha magnitude alarmante. Nos últimos anos unha gran variedade de acordos a escala internacional veñen recoñecendo a necesidade de protexer os ecosistemas mariños.

Aula Barouta