FALANDO DE LIBROS E HISTORIAS

LENDO COLECTIVAMENTE E APRENDENDO

Esta historia comezámola xa no outro trimestre pero como facemos a lectura colectiva aínda non a rematamos. Xa queda pouco!Ao mesmo tempo que gozamos da aventura de Ana, imos sabendo dun país africano ben interesante, Tunicia.

Eu son Ana, unha nena baixiña e co pelo rizo e vermello. Este Nadal fun con meu pai de vacacións a Tunicia para coñecer unha cultura diferente da nosa.

A entrada no país foi un pouco de aventura pois chegamos tarde e logo tivemos que coller unha furgoneta vella para chegar ao noso hotel, na capital, Túnez. Polo camiño, ía pensando <<cando chegaremos?>>, <<vaia sitio máis estraño>>, <<a onde me trouxo meu pai!>>

O hotel era fermoso, parecía un palacio. Que ben durmín!

Ceando, coñecemos a un arqueólogo, Mr Webster, a Giulia e o príncipe Navaí, uns personaxes que van ter moita importancia na miña viaxe. Pero, para min, o importante foi coñecer a Abdullah, un mozo guapo do lugar, que me ensinou o país, a súa cultura e co que corrín moitas aventuras.

Cantas ganas teño de contarllo a Uxía cando volva a Galicia. Non o vai crer!

Se queredes saber como remata a historia do secuestro e que pasou coas ruínas... collede este libro na biblioteca do colexio. A nós gústanos!

Aula de 5º

FALANDO DE LIBROS E POESÍA

Conversando con Rivadulla Corcón
Segundo nos dixo, a Corcón encántalle a poesía e por iso nos seus libros sempre aparece algún poema. Tamén nos contou que lle gusta moito falar da súa terra, a comarca da Costa da Morte, e do mar, sempre presente nos seus relatos.
Enterámonos de que "corcón" é a cría do muxo. Cando era pequeno, alguén lle dixo que era un corcón porque era miúdo. E de grande úsao coma apelido. Fermosa historia!
Foi unha conversa arredor dos seus libros e das preguntas que lle iamos formulando. Ao remate, asinounos todos os libros. 
                                Un verdadeiro pracer!
                                                                      Ata outra!

 

Aula Barouta

ENCONTROS CON...

ESTE ANO VISÍTANOS O ESCRITOR X. H. RIVADULLA  CORCÓN

O alumnado de 5º e 6º estivemos a ler a Rivadulla Corcón. Na Biblioteca do Centro temos varios libros seus, mais este curso centrámonos en dous: "Soños de mar" e "Os piratas da Illa de Esperanza". 
Encantáronnos as dúas historias e estamos desexando escoitalo. Este luns, día 27 de abril, virá ao noso colexio. Agardamos este encontro con impaciencia.






 

A ILLA DE TODAS AS ILLAS

LENDO A XABIER DOCAMPO

Ola chicas e chicos!
Aí vai, á fin, a tarefa que tedes que facer ao respecto da lectura do libro de Xabier. Buscade o xeito de saber o contido das 5 páxinas, de acordo? Aí van e BOA SORTE!

AULA BAROUTA

DÍA DO LIBRO e SAN MARCOS

DO 23 AO 25 DE ABRIL: LEMBRANDO A CERVANTES E LENDO A XABIER P. DO CAMPO "A illa de todas as illas"
 

Lendo, no corredor, un minirrelato do libro "27 historias para tomar a sopa"

. 

 Para celebrarmos o día do libro lemos un pouco do Quixote. Que lingua máis rara! Iso foi o que pensamos nun primeiro momento pero logo si que logramos entender algo. Entre todos soubemos un pouco máis deste personaxe da literatura universal, Don Quixote, ese fidalgo, amigo da caza e que toleu de ler tantos libros de cabalarías.
Nós na aula, tamén probamos a ser escritores, seguindo a técnica do microrrelato. Foi unha experiencia interesante.

O 25 de abril: Día de San Marcos 

•  O noso monte, chámase San Marcos e vixía o noso cole e o noso horto.

•  En Noia están de festa grande.

•  E en Portugal lembran a <<Revolución dos Caraveis>>, cando os soldados levaban caraveis vermellos nos fusís e cantaban Grándola. Nós oímola na clase e gústanos o que di:

           Grándola, terra da fraternidade...

                                                 En cada esquina un AMIGO!

                                                                                    En cada rostro, a IGUALDADE!