TEMPO DE OUTONO

O MISTERIO CHEGA CO SAMAÍN

Estes días andamos atarefados polo tema do Samaín, xa que a festa celebrámola o xoves día 30. Estamos a ler moitas historias de medo, repasamos as cantigas do ano pasado e ata tentamos facer un baile... xa veremos como sae! 

Ao mesmo tempo temos que ir pensando nas cabazas. De momento xa temos unha enorme, enorme que trouxo Fátima. Témola colocada na carreta porque non podemos con ela. Moitas grazas por traela. As dos monstros, tróuxoas unha nena de 2º. A que molan?

 

                                                   Feliz Samaín!

PRESENTACIÓNS

COÑECENDO O NOSO GRUPO 

Xa estamos en 5º! E medramos en número (agora somos 26), en creatividade, en ideas, en responsabilidade, no traballo ...

                     Estamos madurando!

Por iso, este ano, pensamos en facer a nosa presentación particular: quen somos, que nos gusta, onde vivimos ... Acompañando ao texto de cada quen, vai a súa imaxe gráfica, realizada en Plástica.

                              Aí vai! Que vos guste! 

Así son eu from 2TERE

AULA BAROUTA 

NO HORTO: AS ESPONXAS VEXETAIS

MEDRANDO E ENGORDANDO

Así de ben van as nosas esponxas. O malo é que con tanta chuvia non sei se quedará algunha. A ver se para o verán do San Martiño podemos recoller unha, polo menos.

Aló na primavera, sementamos as pebidas das esponxas e foron medrando protexidas, ata que no mes de xuño as puxemos no horto.

Logo, no verán, foron trepando pola rede,  florearon e amosaron os seus froitos. A que locen fermosas!

COMEZANDO CON FORZA

UNHA MOSTRA DA NOSA CREATIVIDADE

Con iso de iniciar curso e estrear cadernos, pensamos en facer unha portada bonita para un deles. Deixamos aquí unha mostra. A nós encantounos porque fomos superando retos que nos ían xurdindo. Traballar coas simetrías non foi doado para todo o mundo pero estamos orgullosos e orgullosas do resultado. 
Aí van as 25 portadas.

 

Aula Barouta

outra vez aquí

Á FIN CHEGOU SETEMBRO!

UNHA OLLADA AO HORTO 

DESPOIS DO VERÁN

O verán deixou a súa pegada no noso horto. 

Comezou setembro e chegou a hora de incorporarse ao cole. Hoxe visitei o horto e dá un pouco de pena velo así que vide con forza pois precisa dunha boa reparación. Con tanta chuvia, as herbas medraron un montón! Con todo quedaron as flores, que aínda locen fermosas, os amorodos, as fabas, as cenorias... e tamén as esponxas que xa botaron algunha flor e xa hai tamén algún froito, aínda pequeno, iso si. A ver se conseguimos algunha este ano!!!
Aí vos deixo unha mostra dos froitos que temos aínda.

Os amorodos están riquísimos. (A que si, Oli?)

Estas son as flores das esponxas. Se vos fixades ben, veredes o froito en proceso de crecemento.

Cenorias e cebolas.

Os xirasoles van estupendos.

NOVAS DE BAROUTA

O HORTO SEGUE VIVO E TEREMOS MÁIS HORTO PARA O VINDEIRO CURSO.

VOZ NATURA aceptou o noso proxecto de <<horto ecolóxico>> para o curso 2014/15. 
                                                                                        VIVA!

Ola chicas e chicos: como vai ese verán? Agardo que estupendamente aínda que o tempo non axude.

Estou aquí para contarvos algo. Estes días estiven no cole por diferentes motivos e, por suposto, fun polo horto a mirar e a regar. Está bastante cambiado porque medrou moito todo, sobre todo a herba, claro. Hai moitas flores, medraron as esponxas, as cabaciñas xa naceron e logo valen para comer, as xudías xa deron froito e hoxe recollín unhas poucas, o brócoli medrando... Mándovos unhas fotos para que vexades. Seguirei informando!

A que apetece?

                                     BO VERÁN!