UN GRUPO DE 5º TRABALLANDO NO HORTO

Seica tiñan moitas ganas de vir ao horto e fixeron un bo traballo:preparar a súa parcela de terra para logo plantar as xudías mailos garavanzos. Parabéns!

Aula Barouta

UNHA NOCEIRA E UNHA MACEIRA PARA O HORTO

Pero esperamos probar antes os chícharos que as noces. A que vos gusta como van medrando? Esperemos que non veña moito frío.

Aula Barouta

SEGUIMOS PLANTANDO

HOXE VEU UN GRUPO DE 6º
Pouco a pouco imos enchendo os ocos do noso horto. Xa temos as cebolas agromando e os chícharos comezan a verdear por debaixo da manta. Para a semana xa lla quitaremos.

Mirade o traballo de hoxe!

A que vos gustou?

Aula Barouta

SEGUIMENTO DAS MIÑOCAS E DO COMPOSTEIRO

Cada vez que imos ao horto aproveitamos para botarlle unha ollada á caixa das miñocas. De momento van moi ben. Teñen comida e vanse asentando. Pronto teremos ese "humus de miñoca" para o noso horto!!!

O alumnado de Infantil observa atentamente como se moven as miñocas.

Outra nova:

Este ano comezamos a utilizar o compost que producimos o curso pasado. Aínda non  está perfecto pero xa está descomposta toda a materia orgánica que fomos botando e agora ímolo incorporando na terra.

Así estaba o curso pasado.

Así está agora.

Aula Barouta

COMEZANDO A SEMENTEIRA NO HORTO

APROVEITANDO QUE O TEMPO MELLOROU, VOLVEMOS AO HORTO PARA POÑER AS PRIMEIRAS SEMENTES: CHÍCHAROS, CEBOLAS, CENORIAS, AMORODOS...

Os grupos de 3ºA e 2º de Primaria son os primeiros que se achegan ao horto. Xa teñen experiencia de anos anteriores e véselles moi contentos e con ganas na tarefa. Fixeron un bo traballo e ben seguro que van recoller os froitos. 
                              Parabéns!!!

Aula Barouta

UN NOVO CURSO, UN NOVO RETO

DÍA DOS BOSQUES E DA POESÍA

BAROUTA CELEBROU UN ANO MÁIS O DÍA DOS BOSQUES E DA POESÍA

Este ano plantamos un montón de árbores na fraga, a carón do horto. Puxemos sobreiras, carballos, castiñeiros, nogueiras, pradairos, loureiro, sabugueiros, unha cerdeira e unha oliveira.

Aula Barouta