EXCURSIÓN FIN DE CURSO (ÁLBUM DE FOTOS)

áLbum de fotografías from aulabarouta

EXCURSIÓN FIN DE CURSO (CONTINUACIÓN)

Paseando polas Fragas

Fixemos o roteiro máis longo, 10 km, acompañados de Laura e Olaia que nos explicaban o que iamos vendo.

O primeiro foi baixar ao mosteiro de Caaveiro. Canto aprendemos da vida dos monxes na I. Media! O mosteiro está reconstruído e del consérvase a igrexa, a cociña, o cuarto e parte do claustro. Nos sotos do mosteiro habita unha colonia de morcegos protexidos.

Despois da visita, seguimos ata o río por un camiño empedrado. A auga tiña unha cor turquesa debido a unhas algas microscópicas que viven no Eume e danlle esa cor.

Xantamos nun merendeiro a carón dunha presa. Que fame e que ganas de descanso! Recuperadas as forzas, atravesamos por unha ponte colgante para adentrarnos na frondosidade da Fraga. Que espectáculo: unha marta, alimentándose no río; un merlo rieiro, bañándose e unha lavandeira real, pousada nunha rocha ademais dunha asombrosa vexetación, endémica nese lugar.

Ao redor das 17:00 h, chegamos ao autobús que nos levou ao albergue.  Alí houbo piscina, merenda, xogo de orientación, cea, velada e... cama!!! Festa, conversa, algo de morriña pero divertido á fin.

Ultima xornada en Alvarella

Un almorzo exquisito con zume, torradas, leite ... recuperou as nosas enerxías. Tivemos un obradoiro de enerxías renovables, visita ao horto e recollida de herbas aromáticas para facer o saquiño. Tempo libre, xantar e recoller todo no autobús con algo de tristeza por ter que marchar.

Aínda tivemos tempo para ir ao Castelo dos Andrade e gozar coa representación histórica que fixeron uns compañeiros e compañeiras de Fernando e Pedro de Andrade e a súa familia. Que risa!!!

Só restaba merendar, ao pé do autobús, para regresar a Barouta.

Esta foi unha experienciamarabillosa!!!

EXCURSIÓN FIN DE CURSO

FIN DE SEMANA EN ALVARELLA

A 1ª fin de semana de xuño, o grupo de 4º menos Dani e Fátima, fomos de excursión ás Fragas do Eume –parque natural- e aloxámonos nun albergue, Alvarella. Foi unha experiencia inesquecible e aprendemos a ser máis autónomos e a medrar.

Falando do albergue

Alvarella está en Vilamaior, na parroquia de Doroña, preto de Pontedeume. Un albergue de ecoturismo, é dicir, que permite vivir en contacto coa natureza pero dun xeito ecolóxico, sen invadila, sen contaminala. Alí respírase tranquilidade.

Os cuartos están aliñados, son pequenos pero acolledores. O comedor, grande, para comer produtos do horto e ensaiar responsabilidades (pór a mesa, recoller, varrer...). A palleira, reconstruída para zona de actividades. Nela fixemos xogos, a velada e os saquiños aromáticos coas herbas do horto. Ademais, conta cun campo de fútbol, un parque, unha piscina, un bosque ... todo para gozar. Para o funcionamento do albergue, usan enerxías renovables (eólica e solar).

seguiremos contando ...

AUGA DOCE, EXPOSICIÓN NO GAIÁS

HOXE, UNHA MOLLADURA NO GAIÁS

MENOS MAL QUE A EXPOSICIÓN ÍA SOBRE A AUGA...

                                                                              NÓS PROBÁMOLA

E MAÑÁ, SÁBADO, IMOS DE FINDE ÁS FRAGAS DO EUME... XA CONTAREMOS...
ESTAMOS ANSIOSOS E ANSIOSAS.

AULA BAROUTA

INACIO VILARIÑO NO NOSO COLE

ESTE LUNS, 2 DE XUÑO, VISITOUNOS INACIO VILARIÑO

Que ben! Vimos dunha ponte e, ao chegar ao cole, atopámonos coa sorpresa do contacontos! Unha boa maneira de comezar a semana.
Foi xenial escoitar a Inacio. Todas as aulas de Primaria na Biblio e conseguiu que gozaramos coas súas historias, tanto a rapazada de 1º como a de 6º. Xa se ve nas fotos o clima que había.
Grazas, Inacio! Volve outra vez!!!

áLbum de fotografías from aulabarouta

Xa sabemos o segredo da guitarra de Inacio: meteuna na lavadora e encolleulle...
Iso, ao menos, foi o que el nos díxo e nós crémolo...

E despois dunha fermosa sesión de contos, Inacio agasallounos con este "conto encadeado" e que cantamos con moito xeito. Que ben o pasamos!

AGORA DE PONTE

REMATOU A AVALIACIÓN!!!

Foi unha experiencia pero agora toca descansar un pouco pois... 

a semana que vén teremos a outra avaliación.

Ánimo que na finde espéranos Alvarella!!!

Ata luns!

CONCENTRACIÓN MÁXIMA

ESTAMOS PECHADOS

ALERTA VERMELLA, ATENCIÓN, TRABALLO EN SILENZO, ESTRÉS,SEN HORARIO PERO CON TEMPO LIMITADO, RECREO A CACHOS, NERVIOS...

NON VOS PREOCUPEDES

E QUE ESTAMOS

COA 

AVALIACIÓN DIAGNÓSTICA

Hoxe, mates e medio; mañá linguas...

NON É PARA TANTO!!!