MEMORIA PROXECTO VOZ NATURA

"RIAMONTE, UN LUGAR PARA COÑECER"

Este é o título do proxecto que desenvolvemos este curso no colexio, xunto co de Agro do Muíño.

Pateamos este lugar, próximo ao noso centro, coñecemos os seus sendeiros, admiramos as vistas desde o San Marco, quitamos hedra das paredes dos muíños e do tronco das sobreiras... estas foron algunhas das actividades realizadas. Foi un traballo ben interesante e que vos animamos a que miredes con calma.

Nós aprendemos moito e agardamos que vós, lectores e lectoras, tamén o fagades.

Pero esta memoria non vai só de Riamonte. Tamén contamos a nosa experiencia no horto.

Oxalá vos guste!

Riamonte, un lugar para coñecer from 2TERE

DÍA DO LIBRO

AMADRIÑANDO LECTORES 
                                           LENDO AOS MÁIS PEQUENOS

QUE TAL SE POMOS UN ARROZAL EN BAROUTA?

CHOVE A MARES ESTES DÍAS PERO EN BAROUTA ADEMAIS TEMOS UN MANANCIAL NO PATIO...

Desde hai un tempo, no patio de detrás do pavillón, hai unha perda de auga importante que está deitando día a día. Isto, sumado á auga que cae nestes días, provoca que teñamos un campo anegado con risco para o noso alumnado. De feito, algún xa caeu neste lameiro.
Hoxe, o grupo de 6º, estivemos alí un bo pouco e ocorréusenos que igual podiamos pór un arrozal!!!! Ou un estanque para tartarugas... Que vos parece?
Ao mellor a alguén tamén se lle ocorre vir mirar e buscar unha solución???

                                                    QUEN SABE? 

Todo este campo está cheo de auga.

FESTA DA PRIMAVERA

POESÍA NAS ÁRBORES

Este foi o lema que escollemos este ano para celebrarmos, no colexio, A Festa da Primavera.

Pola mañá fomos saíndo, por quendas, todas as aulas para facer a plantación de árbores froiteiras no horto, algunhas ornamentais e outras de madeira, na fraga que estamos procurando a carón do horto. Despois do recreo fixemos o recitado dos poemas que tiñamos seleccionados con anterioridade para colgalos, finalmente, nalgunha das árbores do patio.

 Foi unha xornada ben bonita e da que xa contaremos máis cousas en días vindeiros.

Pero é que tamén abrimos o Barsexto, así que foi unha xornada ben variada e intensa.

 Aula Barouta

REMATANDO O TRIMESTRE (BIS)

NA DERRADEIRA SEMANA, xusto antes das vacacións, fixemos dúas actividades que nos gustaron moito. A primeira, foi un xogo de confianza entre cegos e xordo-mudos. Tratábase de experimentar o espazo coñecido pero sen ver; o cego deixábase guiar e o xordo-mudo tiña que coidar e procurar experiencias positivas. Deunos moito que pensar e falar. Quedamos con ganas de seguir afondando nestas vivencias.

A outra foi un ensaio de "Soung painting" no ximnasio. Tamén foi grato e, desta vez, contamos con dous profes (Xacobe e Patricia). Canto estamos aprendendo! Grazas.

Aula Barouta

REMATAMOS TRIMESTRE

VOLVEMOS AO HORTO, APROVEITANDO QUE O TEMPO VAI MELLORANDO

Estes días estivemos preparando a sementeira: flores, aromáticas e hortalizas para levar logo ao horto. Estreamos un invernadoiro que puxemos na entrada do cole para protexer a xermolación das sementes. Está sendo moi interesante ver o proceso paso a paso.

 Aula  Barouta

8 DE MARZO

                                                  Leandro Lamas

FELIZ DÍA DA MULLER!



(...)
Hainas que levan na fronte unha estrela,
hainas que levan no bico un cantar!

Hoxe, na hora de Valores, puxémonos a buscar no xornal algunha información sobre esta data especial e isto foi o que máis nos chamou a atención. A verdade é que nos serviu para reflexionar.

• <<as mulleres aínda non teñen igualdade>> 
• <<as mulleres xa ocupan un terzo dos altos cargos públicos>> 
• <<a igualdade da muller, tan lonxe aínda!>>
• <<o 72% dos traballos non chegan ao alcance das mulleres>>
• << alta porcentaxe de traballadoras con formación superior en España>>
• << dificultade das mulleres para atoparen traballo>> 
• <<violencia de xénero: unhas 52.000 mulleres maltratadas viven en situación de risco; delas, 658 son menores e unhas dez mil, pediron axuda a través do telefone>>

E, para rematar, unha nota positiva:

• <<As empresas con mulleres en altos cargos resultan máis rentables>>

Pero... relendo o dos altos cargos, deunos por pensar no noso Centro. Estes son os datos:

• 19 prazas de profesorado, 16 mulleres e 3 homes
• 3 cargos directivos: dirección (un home), xefatura (unha muller)e secretaría (un home). 

A que resulta chamativo? Nunha maioría de mulleres, os cargos directivos son mairitariamente masculinos!!!

                               seguiremos pensando...

                          Aula Barouta