FIN DE SEMANA EN ALVARELLA
A
1ª fin de semana de xuño, o grupo de 4º menos Dani e Fátima, fomos de excursión
ás Fragas do Eume –parque natural- e aloxámonos nun albergue, Alvarella. Foi unha
experiencia inesquecible e aprendemos a ser máis autónomos e a medrar.
Falando do
albergue
Alvarella
está en Vilamaior, na parroquia de Doroña, preto de Pontedeume. Un albergue de
ecoturismo, é dicir, que permite vivir en contacto coa natureza pero dun xeito
ecolóxico, sen invadila, sen contaminala. Alí respírase tranquilidade.
Os
cuartos están aliñados, son pequenos pero acolledores. O comedor, grande, para
comer produtos do horto e ensaiar responsabilidades (pór a mesa, recoller,
varrer...). A palleira, reconstruída para zona de actividades. Nela fixemos
xogos, a velada e os saquiños aromáticos coas herbas do horto. Ademais, conta
cun campo de fútbol, un parque, unha piscina, un bosque ... todo para gozar. Para
o funcionamento do albergue, usan enerxías renovables (eólica e solar).
seguiremos contando ...
Que excursión máis chula! Seguro que aprendestes un montón de cousas, que poderedes poñer en practica no voso horto. Xa falta pouco para as vacacións! Que teñades un feliz verán!
ResponderEliminarGrazas, Luisa, polo teu comentario. Si que poñeremos en práctica o que aprendemos porque nesta excursión descubrimos moitas cousas.
ResponderEliminarQue teñas ti tamén un bo verán!
Sabes, o venres probamos os chícharos e os tirabeques do noso horto. Estaban deliciosos! As nosas esponxas van moi ben.
Bicos e apertas da clase. :) ;) :P : O :D