SAÍDA A VIMIANZO PARA FACER UN PERCORRIDO HISTÓRICO, DENDE A IDADE MEDIA Á IDADE MODERNA
Saímos do colexio en autobús, ás nove en punto, e
chegamos a Vimianzo, unha hora despois. Nada máis baixar, xa se vía o castelo
alí no centro, nun alto, maxestoso para poder controlar todo o val de arredor.
Recibiunos Manuel, e levounos a dar unha volta polo
foxo mentres nos ía contando a súa historia. Soubemos recoñecer nos escudos as
familias que foron propietarias do castelo (Moscoso, Castro...). Entramos ao
patio de armas e desde alí recorremos as súas estancias escoitando as historias
de Manuel.
Este castelo ben conservado, hoxe é propiedade da
Deputación e, por iso, o puidemos visitar de balde. Casualmente estaba alí o
alcalde de Vimianzo, pois era o día da artesanía, e un grupo retratouse con el.
Toda a planta Baixa desta fortaleza medieval, está
dedicada á artesanía da zona: o liño, os teares, as palilleiras, a cestaría,
xoias con vidro… Para rematar, subimos
ás torres e despedímonos.
A continuación, chovendo e todo, fomos visitar as
Torres do Allo. Trátase dun pazo grande, en bo estado de conservación e no que
puidemos saber algo máis de como vivían os nosos antepasados entre os séculos
XVI – XIX.
Canta historia, mi madriña!
Xantamos nun local, antiga escola de Señoráns, preto
dos muíños e batáns do Mosquetín. E aínda xogamos un pouco no parque infantil
que había alí.
Para acabar a excursión, visitamos os muíños mailos
batáns coa axuda de Manuel. E soubemos diferenciar uns dos outros.
Foi ben chula esta saída!
AÍ VAN UNHAS IMAXES QUE DEMOSTRAN O DITO ANTERIORMENTE.
Aula Barouta
