O último día de clase veu Mateo Mena ao colexio para facer un obradoiro de música electrónica co alumnado de 5º e 6º.
O primeiro que fixo foi sacar un montón de material de refugallo da súa maleta (cables, pilas, altofalantes sen a carcasa de fóra, limas, clips...).
Para que valerá todo iso?
O que nos propuxo foi conectar a música coa ciencia e ensinounos un montón de cousas. Así soubemos de circuitos, de bobinas, imáns, electroimáns, membranas que vibran... como facer un micrófono cun vaso de plástico e a mina dun lapis ou como facer un autofalante cunha botella de plástico.
Canta emoción, canto practicamos, que descubrimentos!
Foron dúas horas nas que estivemos xogando, experimentando, aprendendo...
Grazas Mateo por nolo contar!
Mirade as imaxes e darédesvos unha idea de como foi a cousa.
Aula Barouta
Ningún comentario:
Publicar un comentario